Ճապոնացի գիտնականները կյանքի տևողությունը երկարացնելու եղանակ են գտել

Ճապոնիայի Գենետիկայի ազգային ինստիտուտի գիտնականները կյանքի տևողությունը երկարացնելու եղանակ են հայտնաբերել՝ օրգանիզմի գենետիկ կոդը փոփոխության ենթարկելու միջոցով, հայտնում է Actualidad.rt-ն:

Ճապոնացի գիտնականների խումբը ուսումնասիրության է ենթարկել կյանքի համար կարևոր նշանակություն ունեցող ամենափոքր բջիջները՝ ռիբոսոմները, որոնք պատասխանատու են կենսական պրոտեինների սինթեզի համար:

Հետազոտության արդյունքում գիտնականները պարզել են, որ օրգանիզմի ծերացումը գրեթե միշտ ուղեկցվում է ռիբոսոմների անկայուն վարքագծով: Փորձի արդյունքում ճապոնացիները այդ անկայունությունն ուղղելու եղանակ են գտել՝ փոփոխելով գենետիկ կոդի հատկությունները:

Փորձի ընթացքում նրանց հաջողվել է երկարացնել սնկի բորբոսի կյանքի տևողությունը 24 ժամից մինչև 3 օր: