Հաջորդ սերնդի լրտեսական սարքավորումը կարող է լինել սովորական կիսաբաճկոն (լուսանկարներ)

Անվտանգության փորձագետները բացահայտել են վերահսկողության գրքույկները, որտեղ նկարագրված է, թե ինչպիսին են լինելու հաջորդ սերնդի լրտեսական գաջեթները, գրում է Daily Mail–ը:

Գրքույկներում, որոնք նախատեսված են եղել ամերիկյան Gamma Group ընկերության կողմից վաճառվող FinFisher վերահսկման ծրագրի համար, խոսվում է կիսաբաճկոնի մասին, որը գրանցում է մոտակայքում գտնվող հեռախոսների տվյալները և օգտագործում դրանք՝ հեռախոսի գտնվելու վայրը որոշելու համար:

Մոտակայքում գտնվող բջջային հեռախոսի նույնականացման համարը գրանցելու համար անհրաժեշտ է 90 վայրկյան: Գրքույկում ասվում է նաև, որ սարքավորումն աշխատում է ցանկացած բջջային ցանցի պարագայում յուրաքանչյուր երկրում և նույնիսկ կարող է կիրառվել տեղաշարժվող մեքենաներում գտնվող հեռախոսներին հետևելու համար: