Անգլիայում հաճախորդը լուսանկարել է ռեստորանի խոհարարին՝ խոհանոցի լվացարանում ոտքը լվանալիս
Անգլիացի հաճախորդը բռնացրել է ռեստորանի գլխավոր խոհարարին` խոհանոցի լվացարանում ոտքերը լվանալիս:
Ինչպես հայտնում է Daily Mail-ը` լուսանկարն արվել է Ուիլտշիր կոմսության Սոլսբերի քաղաքում գտնվող Neel Akash հնդկական ռեստորանում:
Ռեստորանի տիրոջ` Մուհամմեդ Շաջահանի խոսքով` միջադեպը տեղի է ունեցել այն պատճառով, որ խոհարարը տաք ձեթ էր լցրել ոտքին և պետք է զովացներ այրված մասը: Նա նշել է, որ դա առանձին միջադեպ էր, և որևէ կապ չունի իրենց ռեստորանի սննդի և հիգիենայի չափանիշների հետ:
Ռեստորանը բարձրագույն 5 աստղանի վարկանիշ է ստացել Սննդի չափանիշների գնահատման գործակալությունից:











