Պուտինի վագրը սատկացրել է չինական այծերին

01:09 • 26.11.14

The Independent-ը հայտնում է, որ «Վլադիմիր Պուտինի վագրին» կարող են մեղադրել չինական այծերին սատկացնելու համար, և դա՝ ռուս-չինական նոր հարաբերությունների ֆոնին:

 

Խոսքը երեք  բացառիկ սիբիրյան վագրերից մեկի մասին է, որին Ռուսաստանի նախագահը մայիսին բաց էր թողել բնության գրկում: Նրանցից երկուսը՝ Ուստինն ու Կուզյան, անցել էին Չինաստան: Ի սկզբանե նրանք հարուցել էին սահմանային բնակավայրերի բնակիչների սարսափը, սակայն առայժմ միայն այծեր են տուժել:

 

Չինական լրատվամիջոցները հայտնել են, որ այծերին արտասովոր ձևով են սատկացրել. նրանց գանգերը ջախջախված են: Դրանց վրա մարդու մատի չափ անցքեր կարելի  է տեսնել: Ենթադրվում է, որ մեղավորը վագրերից Ուստինն է:

Եվս մի քանի այծ արևելքի չինական ֆերմաներից կորել են: