Սիրիական օդուժի հարվածի տակ դպրոցական ավտոբուս է հայտնվել. կան զոհեր

09:44 • 23.12.14

Սիրիայի Իդլիբ նահանգի Ջուբաս բնակավայրի շրջանում դպրոցական ավտոբուսը Սիրիայի օդուժի հարվածի տակ է հայտնվել, որի հետևանքով 4 երեխա մահացել է, 10-ը՝ վիրավորվել, հայտնում են ԶԼՄ-ները՝ Մարդու իրավունքների մոնիթորինգի սիրիական կենտրոնին հղումով։

 

Կենտրոնի տվյալների համաձայն՝ զոհերի և տուժածների թվում մինչև 10 տարեկան երեխաներ են, գրում է vz.ru-ն։ Զոհերի թիվը կարող է ավելանալ, քանի որ կան ծանր վիրավորներ։

 

Երկուշաբթի Իդլիբ նահանգում Սիրիայի կառավարական զորքերը ոչնչացրել էին «Ջեբհաթ ան- Նուսրա» ահաբեկչական խմբավորումից 13 դաշտային հրամանատարի։