«Նորմանդական քառյակի» ԱԳ նախարարները բանակցություններ կվարեն Փարիզում
«Նորմանդական քառյակի»՝ Ուկրաինայի, Ռուսաստանի, Ֆրանսիայի և Գերմանիայի արտաքին գործերի նախարարների հանդիպումը նախատեսված է այսօր Փարիզում։
Ռուսաստանի, Ուկրաինայի, Գերմանիայի և Ֆրանսիայի ԱԳՆ ղեկավարները նախորդ շաբաթ քննակել էին ուկրաինական ճգնաժամի կարգավորման հարցը, ինչի արդյունքում նախարարները պայմանավորվել էին մոտ ժամանակում հանդիպում ունենալ, գրում է РИА Новости-ն։
Ինչպես հայտնել է Ուկրաինայի ԱԳ նախարարության քաղաքականության վարչության պետ Ալեքսեյ Մակեևը՝ Կիևը մտադիր է հանդիպման ընթացքում բարձրացնել 2 հարց՝ հրադադարի ռեժիմի պահպանում և Դոնբասոում խաղաղապահներ մտցնելու հեռանկար։
Ռուսական ԶԼՄ-ների տվյալներով՝ ԱԳՆ ղեկավարները Փարիզում պատրաստվում են մշակել խորհրդատվություններ կոնտակտային խմբի համար, որոնք կօգնեն իրականացնել մինսկյան պայմանագրերի բոլոր դրույթները։
Մինսկում վերջերս «նորմանդական քառյակի»՝ Ուկրաինայի, Ռուսաստանի, Ֆրանսիայի և Գերմանիայի առաջնորդները պայմանավորվել են փետրվարի 15-ի ժամը 00։00-ից կրակը դադարեցնելու մասին:










