Նոր Զելանդիան իր ռազմական մասնագետներին է ուղարկում «Իսլամական պետության» դեմ պատերազմի

10:02 • 24.02.15

Նոր Զելանդիայի իշխանությունները որոշում են կայացրել իրենց ռազմական մասնագետներին ուղարկել Իրաք՝ «Իսլամական պետություն» ահաբեկչական խմբավորման գրոհայինների դեմ պայքարին մասնակցելու համար: Այդ մասին հայտարարել է երկրի վարչապետ Ջոն Քեյը, գրում է gazeta.ru-ն:

 

Նորզելանդացի զինվորականները չեն մասնակցի անմիջապես մարտական գործողություններին, սակայն նրանք օգնություն կտրամադրեն միջազգային կոալիցիային մարտական պատրաստության ժամանակ: Իրաք նախատեսվում է ուղարկել 140 մասնագետ:

 

Նոր Զելանդիայի ռազմական մարզիչների մեծ մասը կտեղակայվի Բաղդադից հյուսիս գտնվող Թաջի ռազմական համալիրում:

 

«Ոչինչ չանել նշանակում է, որ ԻՊ-ն ավելի կուժեղանա: Ոչինչ չանել նշանակում է թողնել մյուս բոլորի վրա բարբարոս և անմարդկային մարդկանց պատասխանատվությունը»,- ասել է Քեյը:

 

Երկրի վարչապետը նշել է, որ երկամյա ժամկետով մասնագետների տեղակայումը կսկսվի մայիսին: