ԵՄ-ն ԼՂ հակամարտության կողմերին կոչ է արել զերծ մնալ սադրանքներից

16:37 • 26.03.15

Եվրոպական միությունը Լեռնային Ղարաբաղի հակամարտության կողմերին կոչ է արել զերծ մնալ գործողություններից ու հայտարարություններից, որոնք նպաստում են լարվածության աճին և խաթարում են խաղաղ գործընթացը։

 

Ինչպես տեղեկացնում է ադրբեջանական Trend գործակալությունը, այդ մասին ասված է Եվրոպայի հարևանության քաղաքականության շրջանակներում Ադրբեջանի մասին ԵՄ ամենամյա զեկույցում։

 

Փաստաթղթում նշվում է, որ անցյալ տարի լրացել է հրադադարի ստորագրման 20-ամյակը, սակայն Լեռնային Ղարաբաղի հակամարտության կարգավորման հարցը շարունակում է փակուղում մնալ։

 

«Անվտանգության առումով իրավիճակը շարունակում է լուրջ խնդիր լինել՝ միջադեպերի ու զոհերի ֆոնին, որոնց թիվն աննախադեպ է 1994 թվականից ի վեր»,- ասված է զեկույցում։

 

ԵՄ-ն նաև նշում է, որ աջակցում է ԵԱՀԿ Մինսկի խմբի գործունեությանը։