Քեյթ Միդլթոնը ծննդաբերությունից առաջ վերջին անգամ կհայտնվի հանրության առաջ (լուսանկարներ)
Մեծ Բրիտանիայի արքայազն Ուիլյամի կինը՝ Քեմբրիջի դքսուհի Քեյթը, ով հղի է երկրորդ երեխայով, ուրբաթ ծննդաբերությունից առաջ վերջին անգամ դուրս կգա հանրության առաջ, հաղորդում է ria.ru-ն:
Քեյթն ու Ուիլյամն իրենց երեխային սպասում են ապրիլի վերջին: Այս ժամանակահատվածում Քեյթը կկենտրոնանա այդ իրադարձությանը պատրաստվելու վրա:
Ուրբաթ պաշտոնական միջոցառումների ընթացքում Քեմբրիջի դուքսն ու դքսուհին կայցելեն դժվարին իրավիճակում հայտնված երիտասարդ անձանց օգնության բարեգործական կենտրոն: Թագավորական ընտանիքի ներկայացուցիչները կշփվեն հիմնադրամի աշխատակիցների և կամավորների հետ:
Քեմբրիջի դուքսն ու դքսուհին, ովքեր երկու տարի առաջ առաջին երեխային են ունեցել՝ արքայազն Ջորջին, ինչն ուղեկցվել է հանրության հսկայական ուշադրությամբ, այս անգամ ցանկանում են, որ արքայազնի կամ արքայադստեր ծնվելը հնարավորինս հանդարտ անցնի:
«Այս անգամ նման աղմուկ, ինչպես տեղի է ունեցել արքայազն Ջորջի ծնվելու ժամանակ, չի լինի»,- ասել է իրավիճակին ծանոթ աղբյուրը:



















