Ռուսաստանը կմիանա Արժույթի միջազգային հիմնադրամի չինական տարբերակին

14:29 • 28.03.15

Ռուսաստանը որոշել է միանալ Ենթակառուցվածքային ներդրումների ասիական բանկին (AIIB), որի ստեղծման նախաձեռնությունը պատկանում է Չինաստանին, հայտնել է ՌԴ առաջին փոխվարչապետ Իգոր Շուվալովը:

 

ՌԴ նախագահ Վլադիմիր Պուտինը որոշել է, որ երկիրը մասնակցություն կունենա Ենթակառուցվածքային ներդրումների բանկի կապիտալին, Չինաստանում անցկացվող Ասիական տնտեսական ֆորումի ժամանակ ասել է Իգոր Շուվալովը, փոխանցում է lenta.ru-ն:

 

Ենթակառուցվածքային ներդրումների ասիական բանկը հիմնադրվել է 2014-ին, որի նպատակն է Ասիա-խաղաղօվկիանոսյան տարածաշրջանում ենթակառուցվածքային նախագծերի ֆինանսավորումը:

 

Բանկի համահիմնադիրների ցուցակը կհրապարակվի մարտի 31-ին: