Իրանը նոտա է հղել Թուրքիային՝ Էրդողանի հայտարարությունների պատճառով

17:02 • 30.03.15

Իրանը բողոքի նոտա է հղել Թուրքիային՝ նախագահ Ռեջեփ Թայիփ Էրդողանի՝ Իրանի տարածաշրջանային քաղաքականությունը քննադատելու պատճառով, հայտնում է «Ակօս»-ը։

 

Իրանի արտգործնախարարության մամուլի խոսնակ Մերզիե Աֆհամը պարզաբանում է պահանջել Իրանի վերաբերյալ Էրդողանի հայտարարությունների առնչությամբ:

 

Նա նշել է, որ Իրանին վշտացրել են Էրդողանի հայտարարությունները, և իրենք պաշտոնական Անկարայից «համոզիչ բացատրություն» են ակնկալում:

 

Չնայած բողոքին՝ Իրանի փոխարտգործնախարար Հուսեյին Քաշքավին ասել է, որ ապրիլի 7-ին նախատեսված Էրդողանի այցը Թեհրան փոփոխության չի ենթարկվի:

 

Հիշեցնենք, որ Թուրքիայի նախագահ Ռեջեփ Թայիփ Էրդողանն Իրանին մեղադրել էր տարածաշրջանում գերիշխող դառնալու փորձերի համար: