Արմավիրի մարզում էլեկտրացանցի աշխատակիցը հոսանքահարումից մահացել է. 2 անձի առաջադրվել է մեղադրանք
ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնում քննվող քրեական գործով երկու անձի մեղադրանք է առաջադրվել աշխատանքի պաշտպանության կանոնները խախտելու հետևանքով անզգուշությամբ մահ պատճառելու համար։
Այս մասին հայտնում է Քննչական կոմիտեի կայքը։
Նախաքննությամբ պարզվել է, որ 15.07.2014թ. Արմավիր մարզի գյուղերից մեկում կատարվել են «Բաղրամյան» էլեկտրացանցի սպասարկման և շահագործման տակ գտնվող բաժանիչի փոխարինման աշխատանքներ:
Ա. Հագոյանը և Խ. Ներսիսյանը, լինելով կատարվող աշխատանքների բրիգադայի անդամ, չեն կատարել շարժական հողանցման տեղադրում, որի արդյունքում աշխատանքների իրականացման ընթացքում Կ. Սարգսյանը, նույնպես լինելով բրիգադայի անդամ, հոսանքահարվել է և մահացել:
Ձեռք բերված ապացույցների համակցությամբ Ա. Հագոյանին և Խ. Ներսիսյանին առաջադրվել է մեղադրանք ՀՀ քրեական օրենսգրքի 157-րդ հոդվածի 2-րդ մասի հատկանիշներով:










