Հայաստանում սկսվել են ռուսական ռազմաբազայի ՀՕՊ զորքերի ստորաբաժանումների զորավարժությունները

17:07 • 01.04.15

Հայաստանում սկսվել են ռուսական ռազմաբազայի հակաօդային պաշտպանության զորքերի ստորաբաժանումների զորավարժությունները, գրում է Газета-ն՝ հղում անելով Հարավային ռազմական շրջանի մամուլի ծառայությանը։

 

Նշվում է, որ զինվորականները դաշտային վարժանքներ են սկսել ծովի մակարդակից ավելի քան 1.500 մ բարձրության վրա։

 

«Դաշտային վարժանքների ժամանակ կանցկացվեն մարզումներ պայմանական հակառակորդի միայնակ և խմբակային օդային թիրախների հարձակումները հետ մղելու վերաբերյալ, որոնց ընթացքում զինծառայողները կլուծեն ավելի քան 100 տակտիկական խնդիր՝ առանց մարտական կրակոցների՝ օգտագործելով ակտիվ ձայնային խոչընդոտներ, ինչպես նաև հակալոկացիոն հրթիռներ»,- նշվում է հաղորդագրությունում։

 

Զորավարժություններին մասնակցում է մոտ 300 զինծառայող։