Ուկրաինան չի արտահանձնի Վրաստանին Միխեիլ Սաակաշվիլիին

16:37 • 01.04.15

Ուկրաինան մերժել է Վրաստանին արտահանձնել նախկին նախագահ Միխեիլ Սաակաշվիլիին: Այդ մասին ասված է Ուկրաինայի գլխավոր դատախազության մամուլի ծառայության տարածած հաղորդագրության մեջ, գրում է gazeta.ru-ն:

 

Ինչպես նշվում է հաղորդագրության մեջ, Ուկրաինայի գլխավոր դատախազությունն ավարտել է Վրաստանի գլխավոր դատախազության դիմումի համաձայն Միխեիլ Սաակաշվիլիին արտահանձնելու ստուգումները:

 

Ինչպես հաղորդվում է՝ ստուգման ընթացքում գլխավոր դատախազությունը եկել է եզրակացության, որ Սաակաշվիլիի արտահանձնման մասին դիմումն արվել է քաղաքական դրդապատճառներով՝ նրա հետապնդման նպատակով:

 

Նշենք, որ Սաակաշվիլիի դեմ հայրենիքում մի քանի քրեական գործ է հարուցվել։