Նարիշկինն իր հայտարարություններով ՀՀ-ին հիշեցնում է իր կարգավիճակը. Արմեն Բադալյան
ՌԴ պետդումայի խոսնակ Սերգեյ Նարիշկինի այն հայտարարությունը, որ արևմտյան պատժամիջոցներից առավել տուժել են Եվրամիության հետ ասոցացման համաձայնագրեր ստորագրած Ուկրաինան և Մոլդովան, իսկ ԵՏՄ անդամները պաշտպանված են, ևս մեկ անգամ հիշեցում է Հայաստանին՝ իր կարգավիճակի մասին:
Tert.am-ի հետ զրույցում նման կարծիք հայտնեց քաղաքական և ընտրական տեխնոլոգիաների փորձագետ Արմեն Բադալյանը:
«2013-ի սեպտեմբերի 3-ից հետո Հայաստան այցելող ՌԴ շարքայինից մինչև ամենաբարձրաստիճան կարգավիճակի տեր անձինք անհրաժեշտ են գտնում այս ռեգիոնին հիշեցնել իր փաստացի կարգավիճակի մասին»,-ասաց Արմեն Բադալյանը՝ անդրադառնալով նրան, որ Պետդումայի մեկ այլ խոսնակ էլ տարիներ առաջ Հայաստանն անվանել էր ՌԴ ֆորպոստ:










