Արամ Ա. Կաթողիկոսի գլխավորությամբ Անթիլիասում ոտնլվայի արարողություն է տեղի ունեցել
Անթիլիասի մայրավանքում Ն.Ս.Օ.Տ.Տ. Արամ Ա. Կաթողիկոսի գլխավորությամբ տեղի է ունեցել ոտնլվայի արարողություն:
Այս մասին հայտնում է Կիլիկիո Կաթողիկոսության պաշտոնական կայքը:
Իր հայրապետական պատգամում Վեհափառ Հայրապետը նշել է, որ Ոտնլվայի արարողությունները շոշափելի կերպով արտահայտում են քրիստոնեական կրոնի էությունը հանդիսացող սերը:
Աստվածաշնչյան ընդհանուր վերլուծությունից հետո նա իր պատգամն է ուղղել ժողովրդին՝ նշելով, որ սիրել` նշանակում է Աստծո ներկայությունն ապրել:
«Սիրել` նշանակում է մեր նմանին օգտակար լինել: Սիրել` նշանակում է մեր եկեղեցու, ազգի ու հայրենիքի համար ապրել, գործել ու ծառայել»,- նշել է Կաթողիկոսը:
Ոտնլվայի արարողություններ են տեղի ունեցել նաև Սիրիայում՝ Դամասկոսի Սուրբ Սարգիս եկեղեցում, ինչպես նաև Սիրիայի մյուս հայկական եկեղեցիներում:










