Մոսկվայի օդային տարածքը կփակվի` Հաղթանակի օրվա շքերթի պատճառով

14:01 • 06.04.15

Մոսկովյան «Դոմոդեդովո», «Շերեմետևո» և «Վնուկովո» օդանավակայանների օդային տարածքն ապրիլի 6-ին, 8-ին ու 10-ին 50 րոպեով կփակվի` Հաղթանակի օրվան նվիրված շքերթի նախապատրաստական աշխատանքների պատճառով:

 

Ինչպես նշում է lenta.ru-ն, դրա հետևանքով որոշակի փոփոխություններ կկրի նաև ավիաչվերթների ժամատախտակը: Ըստ ՌԴ օդուժի՝ ամեն ինչ այնպես կարվի, որպեսզի ուղևորներին պատճառելիք անհարմարությունները հասցվեն նվազագույնի, և օդում «խցանումներ» չառաջանան:

 

Աղբյուրը մանրամասնում է, որ մայիսի 9-ին Հաղթանակի օրվան նվիրված շքերթին կմասնակցի 194 միավոր զրահատեխնիկա, 150 ինքնաթիռ ու ուղղաթիռ, ինչպես նաև՝ 14.000 զինծառայող: