Ցեղասպանությունը և ժխտումը զույգեր են. զեկուցող
«Ընդդեմ Ցեղասպանության հանցագործության» միջազգային ֆորումի երկրորդ նիստը նվիրված էր Ցեղասպանության հետևանքների վերացման և պատասխանատվության խնդիրներին: Նախագահող Ֆրենկ Չոքը խոսեց վերականգնման և փոխհատուցման տարբերությունների մասին:
Իսկ զեկուցող Ռոջեր Սմիթն իր ելույթում ասաց, որ ժխտումը շատ վիրավորական է վերապրողների, ժառանգների համար: «Ցեղասպանությունը և ժխտումը զույգեր են»,- ասաց նա: Նա նկատեց, որ Թուրքիան արդեն մեկ դար է, ինչ ժխտում է, և միլիոնավոր դոլարներ է ծախսել, որպեսզի իրենց լոբբիստները դիմադրեն տարբեր երկրների կողմից ցեղասպանության ճանաչմանը: Նա նշեց , որ Թուրքիան աշխատել է նաև, որպեսզի Իսրայելը, Մեծ Բրիտանիան օժանդակեն ժխտողականությանը:
Սմիթը նշեց, որ այս ընթացքում մեծ առաջընթաց է տեղի ունեցել և ժխտումը ամոթալի երևույթ է դարձել:










