Ձեռնարկվում են միջոցներ հանրապետությունում բրուցելոզի տարածումը կանխելու համար. Արմեն Մուրադյան
ՀՀ առողջապահության նախարար Արմեն Մուրադյանն այսօր կառավարության նիստից հետո լրագրողների հետ զրույցում վստահեցրեց, որ հանրապետությունում չի տարածվի բրուցելոզ հիվանդությունը, քանի որ ձեռնարկվում են անհրաժեշտ բոլոր միջոցները:
Նախարարը նշեց, որ այսօր Կոտայքի մարզում առկա է բրուցելոզով հիվանդ 19 մարդ, որոնցից միայն 9-ը՝ Սոլակ համայնքում:
«Հիվանդների թվաքանակը հստակեցնելուց հետո բոլորի բուժումը կկազմակերպվի: Եթե նմուշառումների արդյունքում ևս դեպքեր գրանցվեն, նրանց բուժումը կկազմակերպվի: Բոլոր հիվանդների վիճակը բավարար է»,-ասաց նա:
Հիշեցնենք, որ բրուցելոզ հիվանդությունը վերջերս տարածում է գտել Կոտայքի մարզում, մասնավորապես Սոլակ համայնքում:










