Ղազախստանում «լռության օր» է

11:30 • 25.04.15

Ղազախստանում «լռության օր» է նախագահական ընտրություններից առաջ, գրում է gazeta.ru-ն:

 

Ապրիլի 26-ին անցկացվելիք նախագահական ընտրությունների նախօրեին արգելված է ցանկացած տեսակի նախընտրական քարոզչություն:

 

Ղազախստանում նախագահական արտահերթ ընտրություններ են նշանակվել այն պատճառով, որ 2016-ին անցկացվելու են խորհրդարանական ընտրություններ:

 

Նախագահի պաշտոնի համար մրցում է երեք թեկնածու՝ երկրի գործող նախագահ Նուրսուլթան Նազարբաևը, ազգային կոմունիստական կուսակցության անդամ Թուրգուն Սիզդիկովը և Արհմիությունների ֆեդերացիայի նախագահ Աբելգազի Կուսաինովը: