Լոս Անջելեսի միջազգային օդանավակայանում անվտանգությունն ուժեղացվել է՝ ԻՊ-ի սպառնալիքի պատճառով

11:33 • 25.04.15

Լոս Անջելեսի միջազգային օդանավակայանում ուրբաթ օրվանից անվտանգության միջոցառումներն ուժեղացվել են՝ «Իսլամական պետություն» ահաբեկչական խմբավորման կողմից հնարավոր սպառնալիքի պատճառով, գրում է ՏԱՍՍ գործակալությունը՝ հղում անելով KTLA ալիքին։

 

Նշվում է, որ հատուկ միջոցները կպահպանվեն առաջիկա հանգստյան օրերի ընթացքում։ Գործի են դրվել ոստիկանության և անվտանգության ծառայության բոլոր աշխատակիցները, օդանավակայանի առավել կարևոր գոտիներում գործում է հատուկ ռեժիմ։

 

Իշխանությունները դեռևս չեն բացահայտում մանրամասներ հնարավոր սպառնալիքի մասին։ Ըստ տեղեկությունների՝ օդանավակայանի աշխատակիցները խոսում են վերահսկողության համակարգի աշխատանքի կարգի փոփոխության մասին։