Ըստ նախնական տվյալների՝ Նեպալի երկրաշարժից տուժած ՀՀ քաղաքացիներ կամ ազգությամբ հայեր չկան
Առայժմ չկա որևէ տեղեկատվություն Նեպալում ազգությամբ հայ կամ ՀՀ քաղաքացիների առկայության մասին, տեղեկատվությունը ստուգվում է ՀՀ արտգործնախարարության կողմից:
Այս մասին Tert.am-ին հայտնեց ՀՀ արտգործնախարարության մամուլի խոսնակ Տիգրան Բալայանը:
Հիշեցնենք, որ Նեպալում զոհերի թիվը հասել է 3.218-ի և ավելի քան 6.500 մարդ ստացել է վնասվածքներ 7.9 մագնիտուդ ուժգնությամբ երկրաշարժի հետևանքով։
Նրանց թվում են նաև արտասահմանցիներ:










