Ճապոնիայում ձյան տեղումների հետևանքով 8 մարդ է մահացել

Ճապոնիայում 8 մարդ է մահացել վերջին երկու օրերին՝ երկրում տեղացած ձյան առատ տեղումների պատճառով;

Նրանցից երեքը դարձել են ձնակույտի փլուզման զոհ։ Ձյունը Տոտորի պրեֆեկտուրայի լեռնային բնակավայրում քանդել է փոքր մի տուն:

Նախօրեին Ճապոնիայի տարբեր շրջաններում ձնաբքի պատճառով 5 մարդ է մահացել: Հիմնականում նրանք մահացու վիրավորում են ստացել ընկնելու կամ ճանապարհային վթարների պատճառով։

Մոտ 200 մարդ տարբեր աստիճանի վնասվածքներ են ստացել: Ձյան տեղումների պատճառով 144 ներքին չվերթներ են չեղարկվել:

Ձնաբքի պատճառով Օկայամայի կայարանի մոտ՝ Հոնսյու կղզում, կանգնեցվել է արագընթաց գնացքը, որում ստիպված է եղել գիշերել 110 մարդ:

Երեկ Ճապոնիայում մոտ 500 ինքնաթիռ չի կարողացել ժամանակին թռչել, ինչի պատճառով օդանավակայաններում քաոս է սկսվել, որը շարունակվում է նաև այսօր։