Մալայզիայի իշխանությունները նախազգուշացրել են ԻՊ-ի հարձակումների վտանգի մասին

Մալայզիայի տարածքում գոյություն ունի «Իսլամական պետություն» ահաբեկչական խմբավորման ահաբեկիչների կողմից հարձակման իրական վտանգ, հաղորդում է gazeta.ru-ն։

Այդ մասին հայտարարել է երկրի վարչապետ Նաջիբ Ռազակը։

Նրա խոսքով՝ տարածաշրջանում գործող ԻՊ-ի թևը սպառնալիքներով տեսանյութ է թողարկել այն բանից հետո, երբ հայտնի դարձավ խմբավորման անդամների ձերբակալության մասին։

«Վտանգը շատ իրական է: Եվ իմ կառավարությունը դրան շատ լուրջ է վերաբերում»,- ասել է Ռազակը:

Նա նշել է, որ այդ «մարտահրավերը» փոխել է ողջ աշխարհը:

Ավելի վաղ հաղորդվել է, որ Մալայզիայի ոստիկանությունը ձերբակալել է «Իսլամական պետության» յոթ աջակցի, որոնք ենթադրաբար ահաբեկչություններ էին պատրաստում: