Շվեդիայում համալսարանը փակվել է՝ ստացված սպառնալիքների պատճառով

Շվեդական Էրեբրու քաղաքի իշխանությունները որոշել են այսօր փակել քաղաքային համալսարանը՝ ուսանողների ու դասախոսների հասցեին ուղարկված սպառնալիքների պատճառով, տեղեկացնում է Интерфакс գործակալությունը:

«Մենք չենք կարող սպառնալիքի տակ դնել մեր ուսանողների, աշխատակիցների ու այցելուների կյանքերը։ Այդ պատճառով խորհրդակցել ենք ոստիկանության հետ և որոշել ենք հունվարի 25-ին փակել համալսարանը»,-ասված է համալսարանի տարածած հաղորդագրության մեջ:

Ինչպես տեղեկացնում են լրատվամիջոցները՝ սպառնալիքը հնչեցվել է բջջային հեռախոսների Jodel հավելվածի միջոցով:

Հաղորդագրության մեջ, մասնավորապես, ասվել է, որ ուսումնական հաստատության ուսանողներին ու աշխատակիցներին խորհուրդ չեն տալիս երկուշաբթի այցելել այնտեղ, «եթե ցանկանում են ապրել»: