Նիգերիայում ահաբեկիչները 86 մարդու են հրկիզել ու գնդակահարել

Նիգերիայում գործող «Բոկո հարամ» ահաբեկչական խմբավորման զինյալները սպանել ու ողջ-ողջ այրել են 86 մարդու՝ երկրի հյուսիս-արևելքում գտնվող փախստականային ճամբարներից ոչ հեռու։ Եվս 62 մարդ հիվանդանոցում է՝ տարբեր աստիճանի այրվածքներով։

Ինչպես տեղեկացնում է vesti.ru-ն, զինյալները հունվարի 30-ին այրվող ռումբեր էին նետել մարդկանց ուղղությամբ, իսկ կրակից փրկվողներին գնդակահարել էին։

Դալորի գյուղի վրա իրականացված հարձակումից հետո երեք մահապարտ կանայք իրենց պայթեցրել էին հարևան Գամորի գյուղում՝ սպանելով բազմաթիվ բնակիչների։