Այովայում պարտված Դոնալդ Թրամփին համեմատել են «Միսս Կոլումբիայի» հետ

Ամերիկացի միլիարդատեր Դոնալդ Թրամփի պարտությունն Այովա նահանգում ԱՄՆ Հանրապետական կուսակցությունից նախագահի թեկնածուների միջև նախնական ընտրությունների ժամանակ սոցցանցերի օգտատերերը համեմատել են «Միսս Կոլումբիա» Արիադնա Գուտերեսի հետ։

Ինչպես տեղեկացնում է abc.net.au-ն, ավելի վաղ Թրամփը հայտարարել էր, որ հպարտ է երկրորդ տեղով։

«Մենք երկրորդ տեղով եզրափակեցինք։ Ցանկանում եմ ասել, որ ես հպարտ եմ, իրո'ք հպարտ։ Ես ցանկանում եմ շնորհավորել Թեդին հաղթանակի առթիվ»,-ասել է նա։

Նշվում է, որ համացանցի օգտատերերն այդքան «բարի» չեն գտնվել Թրամփի նկատմամբ։ Մեկը միլիարդատիրոջը համեմատել է Գուտերեսի հետ, որին «Միսս Տիեզերք» գեղեցկության մրցույթի հաղորդավար Սթիվ Հարվին սխալմամբ մրցույթի հաղթող էր հայտարարել։

Այլ օգտատերեր ծիծաղելի լուսանկարներ են տեղադրել։

Հիշեցնենք, որ ԱՄՆ-ի հանրապետականների ակտիվի առաջին ընտրական ժողովին, որն անցել է Այովա նահանգում, սենատոր Թեդ Քրուզը ստացել է ձայների 28 տոկոսը, իսկ ֆավորիտ համարվող միլիարդատեր Դոնալդ Թրամփը՝ 24 տոկոսը։