Հույն լրագրողները 24-ժամյա գործադուլ են անցկացնում

Ի նշան ապահովագրական համակարգի բարեփոխումների՝ կառավարության պլանների դեմ բողոքի` հույն լրագրողները 24-ժամյա գործադուլ են անցկացնում։

Հունական ԶԼՄ-ները հայտարարել են աշխատավորների 24-ժամյա համընդհանուր գործադուլին մասնակցության մասին, որը երկրի խոշոր արհմիությունները նախատեսել են հինգշաբթի, գրում է ՏԱՍՍ գործակալությունը: Սակայն բողոքի ակցիաները լուսաբանելու համար լրագրողներն իրենց բողոքի ակցիան անցկացնում են մեկ օր շուտ։

Լրագրողների համահունական ֆեդերացիայի խորհրդի որոշման համաձայն` գործադուլին կմասնակցեն բոլոր պետական և մասնավոր ԶԼՄ-ները` թերթերը, հեռուստաալիքները, ռադիոն։

Ակցիային միացել են նաև ռադիոյի և հեռուստատեսության տեխնիկական աշխատակիցները:

Հունական ԶԼՄ-ները պահանջում են պահպանել Հրատարակիչների, խմբագիրների և մամուլի աշխատակիցների ապահովագրության հիմնադրամը` որպես ԶԼՄ-ների անկախ հիմնադրամ։