Ինչպիսի տեսք ունի Նիգերիայում 2 ամիս առաջ փրկված փոքրիկը

02:46 • 01.04.16

Նիգերիայում երկու ամիս առաջ հայտնաբերված երեխան, որին ծնողները լքել էին փողոցում` մտածելով, որ նա «կախարդված է», հումանիտար կազմակերպության աշխատակիցների խնամքի արդյունքում կազդուրվել է:

The Independent-ի հրապարակած նոր լուսանկարներում երեխան բավականաչափ կազդուրվել է մի քանի շաբաթվա խնամքի արդյունքում:

Հույս (Hope) անունով սովահար փոքրիկին ջուր տվող դանիացի աշխատակցուհու լուսանկարը համացանցում տարածվել էր հունվարի վերջին:

Փոքրիկ տղայի պատմությունն օգնել է ուշադրություն հրավիրել աֆրիկյան երեխաների աջակցության հիմնադրամի աշխատանքների շուրջ:

Աշխատակցուհին իր ֆեյսբուքյան էջում տեղեկացրել է, որ տղան պետք է հաջորդ շաբաթ վիրահատության ենթարկվի` բնածին խախտումն ուղղելու համար: Փոքրիկը ծնվել է թերզարգացած միզուկով: