Օռլանդոյի հրաձիգն ուսումնասիրել է այլ գեյ-ակումբներ՝ Pulse-ի վրա հարձակումից առաջ. լրատվամիջոցներ

Ամերիկյան Օռլանդո քաղաքում 50 մարդու կյանք խլած Օմար Մատինն ուսումնասիրել է քաղաքի այլ գեյ-ակումբներ՝ Pulse ակումբի վրա հարձակվելուց առաջ, հայտնում է East Orlando Post-ը:

Revere գիշերային ակումբի սեփականատեր Միկա Բասը պատմել է, որ միջադեպից մեկ շաբաթ առաջ Մատինը Facebook-ում փորձել է նրան ավելացնել «ընկերների» ցանկում:

Ոստիկանության ներկայացուցիչը հաստատել է տվյալները, որ Մատինն ուսումնասիրել է այլ վայրեր հանցագործությունից առաջ: Ավելի վաղ հաղորդվել է, որ Օմար Մատինը կապված է եղել ծայրահեղական իմամ Մարկուս Դուեյն Ռոբերթսոնի հետ:

Ինչպես ավելի վաղ հայտնել է Tert.am-ը, Ֆլորիդա նահանգի Օռլանդո քաղաքի միասեռականների ակումբում հրաձգության հետևանքով մահացել է 50 մարդ, ևս 53-ը վիրավորվել են: Հանցագործն ԱՄՆ քաղաքացի Օմար Մատինն է, ով սպանվել է ոստիկանության կողմից գրոհի ընթացքում: