Նյու-Յորքի մանկական խաղահրապարակում կրակոցներ են եղել. կան զոհեր

Բրուքլինի մանկական խաղահրապարակներից մեկում մի քանի մարդու գնդակահարել են։ Ինչպես տեղեկացնում է interfax.ru-ն՝ հղում անելով տեղի լրատվամիջոցներին,  կրակոցները սկսվել են մանկական խաղահրապարակի տարածքում տեղական ժամանակով 17:00-ին:

Զոհերի և վիրավորների թվի վերաբերյալ կոնկրետ տեղեկություններ չեն հաղորդվում։ Լրատվամիջոցները հաղորդում են ամենաքիչը երկու վիրավորների մասին։ 6 մարդու տեղափոխել են Kings County Hospital հիվանդանոց։ Նրանց վիճակի վերաբերյալ այս պահին տեղեկություններ չկան։

Չի հրապարակվում նաև զոհերի տարիքը։ Ոստիկանությունը փակել է զբոսայգին՝ հետաքննության նպատակով։