Անկարգություններ Ֆրանսիայում, ձերբակալվել է մոտ 40 անգլիացի ֆուտբոլային երկրպագու (տեսանյութ)

Ֆրանսիայի ոստիկանությունը ձերբակալել է առնվազն 36 մարդու Լիլ քաղաքում անգլիացի ֆուտբոլային երկրպագուների մասնակցությամբ մի քանի բախումներից հետո, գրում է BBC-ն:

Համաձայն ֆրանսիացի իրավապահների տեղեկությունների` ձերբակալություններն իրականացվել են չորեքշաբթի, 16 մարդ հոսպիտալացվել է:

Լիլ քաղաքում ոստիկանությունը չորեքշաբթի ցրել է հարյուրավոր անգլիացի երկրպագուների: Իրավապահներն արցունքաբեր գազ են կիրառել:

Անկարգություններին հիմնականում անգլիացիներ են մասնակցել: Նրանք Լիլ են ժամանել իրենց թիմի խաղից առաջ, որը կանցկացվի հինգշաբթի՝ հարևան Լանս քաղաքում:

Տեսանյութը կարող եք դիտել այստեղ։