Տանիքները կաթում են, պետք է զոնտիկով զուգարանում նստես. Բաքվից եկած փախստականները բնակարան են պահանջում (տեսանյութ)

28 տարի Երևանի Սեբաստիա 3Ա հասցեում գտնվող հանրակացարանում բնակվող Բաքվից եկած փախստականների 26 ընտանիքներն այսօր Կառավարության շենքի դիմաց պահանջում էին իրենց ապահովվել բնակարաններով։

Նրանց խոսքով՝ իրենց հանրակացարանի շենքը 2003 թվականին վաճառվել է Մխիթար Գոշ համալսարանին։ Պայմանագրում գրված է եղել, որ շենքի սեփականատերը պարտավոր է բնակիչներին տեղափոխելիս ապահովվել նոր բնակարանով, բայց ո՛չ տեղափոխում է, ո՛չ էլ պետությունն է հետամուտ լինում այդ խնդրի լուծմանը։ Բնակիչների խոսքով՝ իրենք անմարդկային պայմաններում են ապրում։

«Էս ապրել ա, որ մենք ենք ապրում։ Ոչ մի հարմարություն չկա, սաղ տանիքները կաթում ա, պետք ա զոնտիկը վերցնես, գնաս զուգարանում նստես»,-դժգոհեց հանրակացարանի բնակիչներից մեկը։

Մանրամասները՝ տեսանյութում։