Գերմանիայի արտգործնախարարը ԵԱՀԿ Մինսկի խմբի համանախագահների հետ քննարկել է ԼՂ հարցը

Գերմանիայի արտգործնախարար, ԵԱՀԿ գործող նախագահ Ֆրանկ- Վալտեր Շտայնմայերը հանդիպել է ԵԱՀԿ Մինսկի խմբի համանախագահների հետ: Այդ մասին հաղորդագրություն է տարածել ԵԱՀԿ-Գերմանիայի Twiter-ի պաշտոնական էջը:

Հանդիպման ընթացքում քննարկվել է Լեռնային Ղարաբաղի հակամարտության կարգավորման հարցը:

Հանդիպմանը ներկա է եղել նաև ԵԱՀԿ գործող նախագահի անձնական ներկայացուցիչ Անջեյ Կասպշիկը:

Հիշեցնենք, որ Սանկտ Պետերբուրգում հունիսի 20-ին կայացել է Հայաստանի, Ռուսաստանի և Ադրբեջանի նախագահների եռակողմ հանդիպումը, որից հետո նախագահներ Սերժ Սարգսյանը, Վլադիմիր Պուտինը և Իլհամ Ալիևը հանդես են եկել համատեղ հայտարարությամբ։

FM + OSCE-CiO #Steinmeier meets with Co-Chairs @OSCE Minsk Group for talks on #NagornoKarabakh. @GER_OSCE pic.twitter.com/aafCE7TWZ5

— GermanForeignOffice (@GermanyDiplo) June 23, 2016