ԱՄՆ դեմոկրատ կոնգրեսականներն ավարտել են նստացույցը (լուսանկարներ)
ԱՄՆ Դեմոկրատական կուսակցության մոտ 100 անդամներ ավարտել են Ներկայացուցիչների պալատի դահլիճում նստացույցը, որը տևել է 26 ժամ:
Այդ ակցիայով նրանք պահանջել են իրենց հանրապետական գործընկերներից առավել ակտիվ քայլեր ձեռնարկել զենքի մասին օրենքները խստացնելու համար, փոխանցում է Deutsche Welle-ն։
Նստացույցը սկսվել է հունիսի 22-ին, տևել է ամբողջ գիշեր և ավարտվել է մոտ մեկ օր անց` հունիսի 23-ին:
Ակցիայի ավարտից հետո կոնգրեսական Ջոն Լյուիսը հայտարարել է, որ դեմոկրատների գործունեությունն այդ ուղղությամբ կշարունակվի և կավարտվի հաղթանակով:
Հանրապետականները թերահավատորեն են արձագանքել ակցիային` այն գովազդային քայլ անվանելով:












