Թուրքիայում պետական հեղաշրջման փորձի մասին սերիալ կնկարահանեն

Թուրքական Pana Film ընկերությունը սերիալ կնկարահանի Անկարայում պետական հեղաշրջման փորձի մասին, այս մասին կինոստուդիայի ներկայացուցիչները հայտնել են Twitter-ում:

Նախագիծը կդառնա «Գայլերի հովիտը» սերիալի շարունակությունը, որը նախկինում բազմիցս միջազգային սկանդալներ է առաջացրել: Ընկերությունը չի հայտնել մանրամասներ և ցուցադրության ամսաթիվը: Հայտնի է միայն, որ սերիալը կկոչվի «Գայլերի հովիտը. հարված»:

Սերիալը պատմում է տարբեր կերպ արտահայտված ահաբեկչության դեմ պայքարի մասին, փոխանցում է Лента-ն:

Ինչպես ավելի վաղ հայտնել է Tert.am-ը, լույս հուլիսի 16-ին զինվորականների խումբը փորձել է ռազմական հեղաշրջում կատարել Թուրքիայում: Անկարայի և Ստամբուլի փողոցներ ռազմական տեխնիկա է դուրս եկել, լսվել են կրակոցներ և պայթյուններ: Նախագահ Ռեջեփ Թայիփ Էրդողանը հայտարարել է, որ հեղաշրջման փորձը տապալվել է և ամբողջությամբ կճնշվի: