Disney-ը 1,5 միլիարդ եվրո կներդնի Փարիզի Disneyland-ում

Walt Disney ընկերությունը մեծացրել է Փարիզի Disneyland զվարճանքների այգու օպերատոր ընկերությունում իր բաժնեմասը: Ընկերությունը պատրաստվում է 1,5 միլիարդ եվրո ներդնել այգու արդիականացման մեջ: Այդ մասին հայտնում է vedomosti.ru կայքը՝ վկայակոչելով ընկերության մամուլի հաղորդագրությունը:

Walt Disney-ը Սաուդյան Արաբիայի արքայազն Ալ-Վալիդ բին Թալալից գնել է Euro Disney-ի 9 տոկոսի բաժնետոմս: Այժմ ընկերությանն է պատկանում Disneyland-ի օպերատոր ընկերության բաժնետոմսերի 85,7 տոկոսը:

Walt Disney-ը նաև հրապարակել է 2017 ֆինանսական տարվա առաջին եռամսյակի հաշվետվությունը: Հաշվետու ժամանակահատվածում ընկերության մաքուր շահույթը կրճատվել է 14 տոկոսով՝ հասնելով 2,48 միլիարդ դոլարի: