Հայտնի է բանաստեղծ Եվգենի Եվտուշենկոյի հուղակավորության ամսաթիվը
Ռուս բանաստեղծ, բեմադրող ռեժիսոր և սցենարիստ Եվգենի Եվտուշենկոյի հուղակավորության արարողությունը Ռուսաստանում կկայանա ապրիլի 12-ին: Այս մասին ТАСС-ին հայտնել է բանաստեղծի ընտանիքի ընկեր Միխայիլ Մորգուլիսը:
Մորգուլիսի խոսքով` ի սկզբանե հուղակավորության արարողությունը պետք է անցկացվեր ապրիլի 9-ին, սակայն քանի որ այդ օրը կտոնվի Ծաղկազարդը, կայացվել է հուղակավորությունը 3 օրով հետաձգելու որոշում:
Աղբյուրի հաղորդմամբ` քաղաքացիական հոգեհանգիստը կանցկացվի Մոսկվայում` Գրողների տանը:
Ինչպես ավելի վաղ հայտնել է Եվտուշենկոյի այրի Մարիա Նովիկովան` բանաստեղծի հուղակավորության արարողությունը կանցկացվի մերձմոսկովյան Պերեդելկինոյի գերեզմանոցում:
Հիշեցնենք, որ ԱՄՆ-ում կյանքի 85-րդ տարում մահացել է ռուս բանաստեղծ և սցենարիստ Եվգենի Եվտուշենկոն:
Բանաստեղծի ընտանիքի ընկեր Միխայիլ Մորգուլիսի հաղորդմամբ` նրա մահվան պատճառը քաղցկեղն է եղել:










