Իտալիայում արգելել են Uber տաքսի ծառայությունը

23:09 • 08.04.17

Իտալական դատարանն ուրբաթ վճիռ է կայացրել Uber  ծառայությունից օգտվելն արգելելու վերաբերյալ` հայտարարելով, որ օրինական տաքսի ծառայությունները բախվում են անբարեխիղճ մրցակցության խնդրին:

Ինչպես հայտնում է The Local-ը, որոշումը կայացնելիս, որը բողոքարկման առարկա էր հանդիսանում, Հռոմի դատարանը հաշվի է առել տաքսի ծառայության արհմիությունների բողոքն ու Uber-ին 10-օրյա ժամկետ տվել Իտալիայի տարածքում հեռախոսային հավելվածն օգտագործումը  դադարեցնելու համար:

Եթե Uber-ը չկատարի դատարանի որոշումը, ընկերությանը կարող է 10 000 եվրո տուգանք սպառնալ յուրաքանչյուր օրվա համար: Ընկերությունից նշել են, որ ցնցված են այդ որոշմամբ և մտադիր են անհապաղ բողոքարկել այն: