Ռուսաստանը Ка-226 մակնիշի 200 ուղղաթիռ կմատակարարի Հնդկաստան

23:46 • 27.04.17

Ռուսաստանը մտադիր է Հնդկաստանին Ка-226 մակնիշի 200 ուղղաթիռ մատակարարել, որոնցից 160-ն արտոնագրի համաձայն կկառուցվեն Հնդկաստանում:

РИА Новости-ի փոխանցմամբ` այս մասին ՌԴ նախագահ Վլադիմիր Պուտինի հետ Կրեմլում կայացած հանդիպման ժամանակ հայտնել է «Ռոստեխ» պետական ընկերության ղեկավար Սերգեյ Չեմեզովը: 

«Ստորագրվել է Հնդկաստանի հետ Ка-226 ուղղաթիռների համատեղ արտադրության մասին պայմանագիրը: Մենք պետք է 200 ուղղաթիռ մատակարարենք, 40-ն արդեն պատրաստ են», - ասել է Չեմեզովը:

Նշվում է, որ գործարքի արժեքը կազմում է ավելի քան մեկ մլրդ դոլար: