ՌԴ Սևծովյան նավատորմի նավը խորտակվել է Թուրքիայի ափերի մոտ՝ բեռնանավի հետ բախումից հետո
Ռուսաստանի Սևծովյան նավատորմի «Լիման» հետազոտական նավը խորտակվել է Թուրքիայի ափերի մոտ՝ բեռնանավի հետ բախումից հետո, գրում է BBC-ի ռուսական ծառայությունը:
Թուրքական ԶԼՄ-ները, վկայակոչելով սահմանապահ ծառայությանը, հայտնում են, որ ռուսական նավի անձնակազմի բոլոր 78 անդամները տարհանվել են: Ավելի վաղ տեղեկություններ կային 15 կորած նավաստիների մասին:
Ռուսաստանի պաշտպանության նախարարության հաղորդմամբ՝ բախումը տեղի է ունեցել Սև ծովի հարավ-արևմտյան հատվածում՝ Բոսֆորի նեղուցից 40 կիլոմետր հյուսիս-արևմուտք:
Նշվում է, որ նավը, որին բախվել է ռուսական «Լիմանը», ընթանում էր Տոգոյի դրոշի ներքո։ Հաղորդվում է, որ այն կենդանիներ էր տեղափոխում:
Reuters գործակալության հաղորդմամբ՝ բախումը տեղի է ունեցել վատ տեսանելիության պայմաններում:










