Առցանց համակարգի տեղադրմամբ էականորեն կնվազեցվի կոռուպցիոն ռիսկերը. Արտեմ Ասատրյանն ամփոփեց 6-ամսյա աշխատանքները
ՀՀ աշխատանքի և սոցիալական հարցերի նախարար Արտեմ Ասատրյանն այսօր հրավիրված ասուլիսին ամփոփեց 6-ամսյա աշխատանքները և հայտարարեց, որ խիստ չափելի արդյունքներ են, ցույց տալու կարճաժամկետ հատվածում նախարարության առջև դրված խնդիրները լուծում ստացել են, թե ոչ:
Նախարարը նախ նշեց, որ քաղաքացիների կյանքն այնքանով են թեթևացրել, որ միանվագ նպաստի համար առցանց դիմումներ ենթահամակարգ է տեղադրվել և նաև հաստատվել, որ ցանկացած քաղաքացի կարող է գնալ իր նախընտրած կենտրոն և իրացնել իր իրավունքը: Ըստ նախարարի՝ առցանց համակարգը թույլ է տալիս առանց ավելորդ շփումների իրացնել իրենց իրավունքը, որը հակակոռուպցիոն միջոցառումների կարևոր բաղադրիչ է: Իսկ այն տարածքները, որտեղ քիչ կայցելեն, կհասկան, որ սպասարկման որակը, որտեղ է լավ, որտեղ ոչ:
«2017թ-ի ապրիլի 10-ի դրությամբ երեխայի ծննդյան միանվագ նպաստի շուրջ 7400 դիմումներից 3000 դիմում ներկայացվել է նախորդ տարի դեկտեմբերից ներդրված առցանց եղանակով»,-ասաց նախարարը:
Նախարարը նշեց, որ պարզեցվել է կենսաթոշակառու լինելու չափի վերաբերյալ տեղեկանքների տրամադրման ընթացակարգերը, որը տրամադրվում է 15 րոպեում՝ նախկինում մի քանի օրվա փոխարեն:
Արտեմ Ասատրյանը նշեց, որ հաշվի առնելով, որ սոցիալական պաշտպանության ոլորտին անմիջական 1,200 000 անձ առնչվում է, սա նշանակում է, որ առցանց համակարգի տեղադրմամբ՝ էականորեն կնվազեցվի կոռուպցիոն ռիսկերը:
Նա շարունակեց, որ նախատեսում են բոլոր վճարումների համար ձևավորել մեկ միասնական մարմին: «Մարմնի ստեղծումը հիմնված է էլեկտրոնային համակարգի գործարկման աշխատանքների վրա»,-ասաց նա:
Աշխատանքային ստաժի հետ կապված խնդիրներն են շարունակում լուծել, քանի որ դեռևս չունեն տեղեկատվական շտեմարան: «Մենք այստեղ ունենք լրջագույն ռիսկեր, այս առումով, շատ դեպքերում քաղաքացիների ներկայացրած տեղեկանքները ոչ հավաստի են բերվում, և համակարգում կարող են հաշվառվել ոչ ճիշտ ստաժներ: Այժմ մենք իրականացնում ենք համակարգի ստեղծման աշխատանքներ, գործատուների ձևավորում, նախկինում տված հաշվետվությունների բազայի ստեղծում, իրականացնելու անհրաժեշտ համադրումը»,-ասաց նա:
Նա շարունակեց, որ աշխատանքային գրքույկների էլեկտրոնացման գործընթացն է գնում և նախատեսում է ձևավորել էլեկտրոնային համակարգ յուրաքանչյուր անձի համար, որ քաղաքացին այսօր մինչև կենսաթոշակային տարիքը մտնի համակարգ և ստուգի լիարժեք է, և երբ հասնի կենսաթոշակի տարիքին, դիմի առցանց:
Նախարարը նշեց, որ 13 տեղեկատվական համակարգը միասնական են դարձնում:










