Բեռլուսկոնին ընկել է իր տան մեջ և գլխի աննշան վնասվածք ստացել

13:57 • 29.04.17

 

Իտալիայի նախկին վարչապետ Սիլվիո Բեռլուսկոնին ընկել է Պորտոֆինո հանգստավայրում գտնվող իր տան մեջ, ինչի հետևանքով գլխի աննշան վնասվածք է ստացել, հայտնում է gazeta.ru-ն՝ Ansa-ին հղումով։


Իտալական գործակալության համաձայն՝ միջադեպը տեղի է ունեցել լույս ապրիլի 29-ին։ 80-ամյա քաղաքական գործիչը սայթաքել է գորգի վրա, ընկել և գլուխը վնասել։


«Ոչ մի լուրջ բան չկա»,- ասել է նրան բուժող բժիշկ Ալբերտո Ձանգրիլոն։


Որոշվել է, որ նա պետք է վերադառնա Միլան, որտեղի մասնավոր կլինիկաներից մեկում երեք կար են դրել նրա գլխին։