ՌԴ ՀՕՊ-ը բերվել է մարտական բարձր պատրաստության վիճակի՝ Հս. Կորեայի կողմից հրթիռի արձակումից հետո

12:44 • 29.04.17

ՌԴ Դաշնային խորհրդի պաշտպանության և անվտանգության հարցերով հանձնաժողովի նախագահ Վիկտոր Օզերովը հայտարարել է, որ Ռուսաստանի հակաօդային պաշտպանությունը Հեռավոր Արևելքում բերվել է մարտական բարձր պատրաստության վիճակի՝ Հյուսիսային Կորեայի կողմից հրթիռի արձակումից հետո, հայտնում է gazeta.ru-ն։


«Ռուսաստանը շատ ուշադիր հետևում է այն ամենին, ինչ կատարվում է Կորեայի Ժողովրդադեմոկրատական Հանրապետությունում։ ՌԴ ՀՕՊ-ը Հեռավոր Արևելքում բերվել է մարտական բարձր պատրաստության վիճակի։ Մենք վերահսկում ենք ՌԴ օդուժի պատասխանատվության գոտում գտնվող օդային տարածքը»,- ասել է նա։


Սենատորի խոսքով՝ Ռուսաստանը, միևնույն ժամանակ, գիտակցում է, որ Հս. Կորեայի հրթիռների արձակման թիրախ չի հանդիսանում։


Ավելի վաղ հաղորդվել է, որ Հս. Կորեան իրականացրել է բալիստիկ հրթիռի արձակում, սակայն փորձարկումը բարեհաջող չի ընթացել։ Այն ընկել է Հս. Կորեայի տարածքում։