Մյունխենի օդանավակայանում ինքնաթիռներից մեկի ուղևորները տարհանվել են այրվող շարժիչի պատճառով
Թռիչքից րոպեներ առաջ տարհանվել են Lufthansa ավիաընկերության Bombardier CRJ-900LR ինքնաթիռի տասնյակ ուղևորներ:
Ինքնաթիռի շարժիչից սկսել է ծուխ բարձրանալ Բավարիայի մայրաքաղաքի Ֆրանց-Յոզեֆ Շտրաուսի անվան օդանավակայանի թռիչքուղու վրա, գրում է ТАСС-ը:
Ինքնաթիռը պետք է կատարեր Մյունխենից Պադերբորն ներքին չվերթը:
Թռիչքից րոպեներ առաջ՝ տեղի ժամանակով մոտ ժամը 11:30-ին, ինքնաթիռի շարժիչից սկսել է ծուխ դուրս գալ: Թռիչքն անմիջապես չեղյալ է հայտարարվել, ուղևովորները տարհանվել են թռիչքուղի, որտեղից նրանց տեղափոխել են տերմինալ:
Շարժիչի այրվելու պատճառները հայտնի չեն: Անցկացվում է հետաքննություն:










