Թաիլանդում «Աէրոֆլոտ»-ի օդանավը հայտնվել է տուրբուլենտության գոտում. տուժել է 25 ուղևոր

10:32 • 01.05.17

Ռուսական «Աէրոֆլոտ» ավիաընկերության օդանավերից մեկը Թաիլանդում հայտնվել է տուրբուլենտության գոտում, ինչի հետևանքով տուժել է 25 մարդ:

Ինչպես նշում է gazeta.ru-ն, տուժածներից 6-ը հրաժարվել են հոսպիտալացումից:

«Հոսպիտալացվել է 19 մարդ: Մնացած ուղևորները ստացել են անհրաժեշտ օգնություն ու հրաժարվել հետագա հոսպիտալացումից»,-մանրամասնել է քաջատեղյակ աղբյուրը:

Մինչդեռ lenta.ru-ն հավելում է, որ Մոսկվայից Թաիլանդ ուղևորվող օդանավը նախքան Բանգկոկի օդանավակայանում վայրէջք կատարելը հայտնվել է տուրբուլենտության գոտում: Հայտնի է, որ ամրագոտին չամրացրած ուղևորների մի մասը տեղից ընկել են ու վնասվածքներ ստացել:

Այնուհանդերձ՝ վայրէջքը բարեհաջող է անցել: Օդանավն արդեն Մոսկվա է վերադարձել: