Ֆրանսիայի նախագահի թեկնածու Լը Պենի ուղղությամբ ձվեր են նետել (տեսանյութ)

17:40 • 04.05.17

Ֆրանսիայի նախագահական մրցապայքարի մասնակից, «Ազգային ճակատ» կուսակցության առաջնորդ Մարին լը Պենը Բրետան կատարած այցի ժամանակ ձվերով հարձակման զոհ է դարձել:

Ինչպես նշում է ria.ru-ն, համացանցում տարածված տեսանյութում երևում է՝ ինչպես են թեկնածուի թիկնապահները նրան փորձում պաշտպանել իր ուղղությամբ թռչող իրերից՝ ձեռքերի ափերով ծածկելով քաղաքական գործչի գլուխը:

Հայտնի է, որ ձվեր նետելուց զատ, Լը Պենի ընդդիմախոսները նրան ֆաշիստ են անվանել ու պահանջել, որ նա հեռանա:

Աղբյուրը մանրամասնում է, որ Լը Պենը պետք է Բրետանում մի շարք միջոցառումների մասնակցեր:

Հիշեցնենք, որ ապրիլի 23-ին Ֆրանսիայում կայացել է նախագահական ընտրությունների առաջին փուլը, որի արդյունքների համաձայն՝ 2-րդ փուլում երկրի ղեկավարի պաշտոնի համար պայքարը շարունակելու են Էմանուել Մակրոնն ու Մարին Լը Պենը: