Պուերտո Ռիկոյում ճգնաժամի պատճառով 184 դպրոց կփակվի

10:40 • 06.05.17

Պուերտո Ռիկոյում (համարվում է ԱՄՆ տարածք) տնտեսական ճգնաժամի պատճառով կփակվի առնվազն 184 դպրոց: Այս մասին հայտնում է Associated Press-ը` մեջբերելով երկրի կրթության դեպարտամենտի ղեկավար Յոլանդա Ռոսալիի խոսքը:

«Մինչև ամռան սկիզբ ավելի քան 27 հազար դպրոցական կտեղափոխվի այլ ուսումնական հաստատություններ», - ասել է Ռոսալին:

Նրա խոսքով՝ շուտով կրթության հարցերով քարտուղար Ջուլիա Կելեհերը կմեկնաբանի իրավիճակը:

Նշվում է, որ այս որոշման վերաբերյալ այլ մանրամասներ դեռևս հայտնի չեն:

Հայտնի է, որ սա դպրոցների խոշորագույն զանգվածային փակումն է ԱՄՆ պատմության մեջ: ԱՄՆ իշխանություններն այս աննախադեպ քայլը ձեռնարկել են Պուերտո Ռիկոյի՝ 73 միլիարդ դոլարի չափով պարտքի մի մասը մարելու նպատակով: