Հալեպի շրջանի բնակիչները վերադառնում են հայրենի գյուղեր

12:43 • 06.05.17

Սիրիական Հալեպ նահանգի իշխանությունները սկսել են «Ջիբրին» ճամբարից փախստականների վերադարձի գործողությունը դեպի նրանց հարազատ գյուղեր։ Այս գյուղերը վերջերս են ազատագրվել գրոհայիններից։ Այդ մասին լրագրողներին ասել է փոխնահանգապետ Համիդ Քենոն։


Նախատեսվում է 12.000 մարդու բնակեցնել Բաբիրի Ֆոքանի, Բաբիրի Թախթամի, Ռիբժին Աքրա, Թալ Թուտոն և Հերբետ Սլեպ գյուղերում, որոնք տեղակայված են Եփրատ գետի երկայնքով։


Ինչպես նշում է ՏԱՍՍ գործակալությունը՝ շնորհիվ սիրիական բանակի և նրանց աջակցող ռուսական օդատիեզերական ուժերի դրանք հնարավոր է եղել ազատագրել «Իսլամական պետություն» խմբավորման գրոհայիններից։