Սաուդյան Արաբիան արգելել է քաթարցի ուխտավորներին այցելել Մեքքայի Մեծ մզկիթը

18:36 • 11.06.17

Սաուդյան Արաբիայի իշխանությունները պարսիցծոցյան երկրների շրջանում ծագած դիվանագիտական ճգնաժամի ֆոնին արգելել են Քաթարի քաղաքացիներին մուտք գործել Մեքքայի Մեծ մզկիթը: Այս մասին հաղորդում է «Ալ-Ջազիրա» գործակալությունը:

 

Քաթարի Մարդու իրավունքների ազգային հանձնաժողով շաբաթ բողոքներ են ստացվել երկրի բնակիչներից, որ իրենց թույլ չեն տալիս մտնել Մասջիդ Ալ-Հարամ մզկիթի տարածք:

Մարդու իրավունքների ազգային հանձնաժողովի ղեկավարը միջադեպը որակել է որպես մարդու իրավունքների կոնվենցիայով ամրագրված կրոնական ծիսակարգ կատարելու իրավունքի կոպիտ խախտում:

 Նշվում է, որ Սաուդյան Արաբիայի իշխանությունները սովորաբար չեն ճշտում Մեծ մզկիթ այցելողների ազգային կամ կրոնական պատկանելիությունը:

 Հիշեցնենք, որ օրեր առաջ հայտնի էր դարձել, որ Արաբական Միացյալ Էմիրությունները և Բահրեյնը պատժաչափ են սահմանել սոցցանցերում Քաթարին աջակցություն հայտնող օգտատերերի համար: ԱՄԷ-ում նախատեսվում է մինչև 15 տարվա ազատազրկում կամ 136 000 դոլարի տուգանք, իսկ Բահրեյնում` 5 տարվա ազատազրկում:

Նշենք, որ Պարսից ծոցի 10 երկիր խզել է դիվանագիտական հարաբերությունները Քաթարի հետ` վերջինիս մեղադրելով ահաբեկչության ֆինանսավորման մեջ: